तळोदा: रॉयल एनफिल्ड बुलेट चोरीची घटना, पोलीस तपास सुरू
नंदुरबार : जिल्ह्यातील तळोदा येथे सतोना गावातील गुळाच्या कारखान्यासमोरील शेतातून ७०,००० रुपये किंमतीची रॉयल एनफिल्ड बुलेट (क्र. GJ 03 KB 8853) चोरीला गेली आहे. चोरीची घटना १७ नोव्हेंबर ते १८ नोव्हेंबर २०२४ दरम्यान घडली असल्याचे फिर्यादी अल्पेशभाई धिरुभाई सोलंकी (वय ३५, व्यवसाय: गुळ कारखाना मॅनेजर) यांनी तक्रारीत नमूद केले.
फिर्यादीच्या सांगण्यानुसार, अज्ञात चोरट्याने बुलेट त्यांच्या संमतीशिवाय चोरून नेली. ही घटना २५ नोव्हेंबर २०२४ रोजी सायंकाळी ३.३४ वाजता पोलीस ठाण्यात नोंदवण्यात आली आहे.
घटनेची चौकशी पोलीस निरीक्षक राजू लोखंडे यांच्या मार्गदर्शनाखाली पोलीस हवालदार गोवर्धन वसावे करत आहेत. चोरीला गेलेल्या वाहनाचा तपास सुरू असून नागरिकांनी संशयास्पद माहिती असल्यास पोलिसांना त्वरित कळवण्याचे आवाहन करण्यात आले आहे.
0 Response to "तळोदा: रॉयल एनफिल्ड बुलेट चोरीची घटना, पोलीस तपास सुरू"
टिप्पणी पोस्ट करा