शिवपुराण कथा: अवजड वाहतूक वळविण्याचा जिल्हाधिकारी नंदुरबार यांचा आदेश

राष्ट्रवादी काँग्रेसचे शहराध्यक्ष योगेश मराठे यांचा राजीनामा,

शिरपूर (जि. धुळे) येथे दिनांक 1 डिसेंबर ते 7 डिसेंबर 2024 दरम्यान आयोजित श्री. प्रदीपजी मिश्रा यांच्या श्री. शिवपुराण कथेसाठी लाखो भाविकांची उपस्थिती अपेक्षित आहे. यामुळे राष्ट्रीय महामार्ग क्र. 753 B वर होणारी वाहतुकीची कोंडी आणि संभाव्य अडथळे टाळण्यासाठी जिल्हाधिकारी तथा जिल्हादंडाधिकारी नंदुरबार यांनी अवजड वाहतूक वळविण्याचा आदेश जारी केला आहे.

          1 डिसेंबर 2024 सकाळी 6 वाजेपासून ते 7 डिसेंबर 2024 रात्री 8 वाजेपर्यंत.

वाहतूक वळविण्याचा मार्ग:

शहादा-शिरपूर-चोपडा या मार्गावरील अवजड वाहने खालील पर्यायी मार्गाने वळविण्यात येतील:

शहादा → अनरदबारी → सारंगखेडा → दोंडाईचा → शिंदखेडा → होळ → नरडाणा → सावळदे → शिरपूर टोलनाका → चोपडा.

आदेशाची कारणमीमांसा:

1. भाविकांची संख्या: कार्यक्रमासाठी 10 ते 12 लाख भाविक गुजरात, मध्यप्रदेश आणि आसपासच्या जिल्ह्यांतून येण्याची शक्यता.

2. राष्ट्रीय महामार्गावरील अडथळे: कार्यक्रमाच्या ठिकाणामुळे महामार्गावर वाहतूक कोंडी होण्याची शक्यता आहे.

3. सुरक्षितता: गिधाडे गावाजवळील जुन्या पुलावर अवजड वाहने बंद असल्यामुळे नवीन मार्गाचा वापर आवश्यक.

प्रशासनाची जबाबदारी:

पोलीस विभाग आणि उपप्रादेशिक परिवहन विभागाने वाहतुकीसाठी योग्य ती खबरदारी घ्यावी.

बॅरेकेटींग, दिशादर्शक फलक, तसेच पोलिसांचा बंदोबस्त तैनात ठेवण्यात यावा.

भाविक आणि स्थानिक नागरिकांसाठी कोणत्याही अडचणी टाळण्यासाठी सतर्कता बाळगावी.

               आयोजित पर्यायी मार्गाचा वापर करून कार्यक्रमासाठी येणाऱ्या भाविकांनी सहकार्य करावे, असे आवाहन जिल्हाधिकारी नंदुरबार यांनी केले आहे.