तोरणमाळ घाटात गाडी दरीत कोसळून भीषण अपघात : 12 जणांचा मृत्यू ,आकडा वाढण्याची शक्यता

तळोदा : जिल्ह्यातील तोरणमाळ येथील अतिदुर्गम भागात असणाऱ्या सिंदीदिगर घाटात प्रवासी वाहतूक करणारे क्रुझर वाहन दरीत कोसळून भीषण अपघात झाल्याची घटना घडली. या अपघातात 12 जणांचा मृत्यू झाला आहे. या गाडीत 30 जण प्रवास करत असल्याचे सांगण्यात येत आहे. यापैकी पंधरापेक्षा अधिक प्रवासी जखमी झाल्याचे समजते. 

           याबाबत प्राप्त माहिती अशी की, सायंकाळीच्या सुमारास क्रुझर गाडी सुंधीदीगर या घाटातून प्रवाशांना घेवून जात असताना खोल दरीत कोसळून हा अपघात घडला आहे. या भीषण अपघातात गाडीचा पूर्ण चुराडा झाला आहे. या गाडीत असलेल्यांपैकी 8 जणांचा मृत्यू झाला आहे. गाडी दरीत कोसळली तेव्हा काही जणांनी जीव वाचवण्यासाठी गाडीतून बाहेर उड्या टाकल्यात. त्यामुळे जबर मार लागून काही जखमी झाले आहे तर काही जणांचा मृत्यू झाला आहे. दरीत ज्या ठिकाणाहून गाडी खाली कोसळली त्या वाटेत ठिकठिकाणी प्रवाशांचे मृतदेह पडून होते. या गाडीत 30 प्रवाशी असल्याची माहिती समोर आली आहे. या अपघातात 12 जणांचा मृत्यू झाला आहे. तर  मृतांची संख्या वाढण्याची शक्यता वर्तवली जात आहे. क्रुझर गाडी दरीत कोसळल्याने बचाव आणि मदत कार्याला मोठा अडथळा येत आहे. घटनेची माहिती मिळताच स्थानिकांनी मदतकार्यासाठी धाव घेतली आहे.…