नगराध्यक्ष परदेशी यांच्या वाढदिवसानिमित्त आयोजित रक्तदान शिबिरात 60 दात्यांनी केले रक्तदान

तळोदा : नगराध्यक्ष अजय परदेशी यांच्या वाढदिवसानिमित्त लोकमत परिवार व व्ही.एस.जी.जी तर्फे सयुक्तिक आयोजित रक्तदान शिबिरात 60 दात्यानी रक्तदान केले असून रक्त दात्याने प्रमाणपत्र व भेटवस्तू देण्यात आली. 

                  अजय परदेशी यांच्या वाढदिवसानिमित्त विविध संघटनेच्या संयुक्त विद्यमाने रक्तदान शिबिराचे आयोजन तळोदा येथील आदिवासी सांस्कृतिक भवनात शनिवारी सकाळी  आयोजित करण्यात आले होते.  रक्तदान शिबिराचे उदघाटन उपविभागीय पोलीस अधीकारी संभाजीराव सावंत यांच्या हस्ते करण्यात आले. याप्रसंगी प्रमुख अतिथी म्हणून भाजपा प्रदेश कार्यकारणी सदस्य डॉ.शशिकांत वाणी, तालुका वैद्यकीय अधिकारी डॉ.महेंद्र चव्हाण, माजी भाजपा तालुका अध्यक्ष शहादाचे यशवंत पाटील उपस्थित होते.  

            

                व्यासपीठावर त्यांच्या समवेत भाजपा माजी तालुकाध्यक्ष श्याम राजपूत,  प्रा.विलास डामरे, माजी उपनगराध्यक्ष अनुप उदासी, नगरसेवक भास्कर मराठे, रामानंद ठाकरे, सुरेश पाडवी, अमनोदीन शेख, योगश पाडवी, दीपक पाडवी, हेमलाल मगरे, नितीन पांडवी, राजू पाडवी, दीपक पाडवी, जालंधर भोई, आदी उपस्थित होते. दरम्यान या रक्तदान शिबिरात 60 दात्यानी रक्तदान केले. धुळे येथील रक्तपेढी कडून हे रक्त संकलन करण्यात आले. या रक्तदान शिबिरासाठी लोकमत परिवार व व्ही.एस.जी. जी, नगरसेवक पालिका कर्मचारी न.पा तळोदा,जयश्री राम ग्रुप, सहयोग सोशल ग्रुप, गणेश सोशल ग्रुप,  जयहिंद राष्ट्र सेना, जय आदिवासी युवा शक्ती, सेवाभावी प्रतिष्ठान, क्षत्रिय मराठा समाज मंडळ तळोदा, युवा गुजर महासभा, राजे ग्रुप, एच.एच.गुरव क्रीडा मंडळ व्यायाम शाळा, ऑक्सिजन फौंडेशन, महात्मा फुले बहुउद्देशिय सेवा मंडळ, यांचे सहकार्य लाभले. कार्यक्रम यशस्वीतेसाठी अजय परदेशी समर्थक व वरील सर्वच संस्थेच्या प्रतिनिधीनी सहकार्य केले.