तळोदा तालुक्यातील गोपाळपूर येथे घराला आग लागून मोठे नुकसान

तळोदा :, २२ नोव्हेंबर २०२४: तळोदा तालुक्यातील गोपाळपूर येथे शुक्रवारी दुपारी जितेंद्र कालुसिंग पाडवी यांच्या घराला अचानक आग लागली आणि त्यात घरातील सर्व सामान जळून खाक झाले. आग लागल्यामुळे घरातील संसारउपयोगी साहित्य, भांडी, धान्य आणि इतर महत्वाची वस्तू पूर्णपणे नष्ट झाली. यामुळे पाडवी कुटुंबाची मोठी आर्थिक हानी झाली आहे.

 

         आगीचे कारण समजले नाही, रहिवाशांच्या मते ही आग अचानक लागली आणि ती विझवण्याचा प्रयत्न केला मात्र आगीचा तीव्रतेमुळे आग विझवण्यात अपयश आले.परिणामी या आगीत घराची मोठी हानी झाली आहे.

       या घटनेच्या संदर्भात पंचनामा केला जात आहे. पाडवी कुटुंबाने शासनाकडे नुकसानीची भरपाई मिळवण्यासाठी मागणी केली आहे. स्थानिक प्रशासन व आपत्कालीन सेवा यांच्याकडून मदत मिळवण्यासाठी प्रयत्न सुरू आहेत. गोपाळपूर येथील नागरिकांकडून संबंधित प्रशासनाकडे मदतीची अपेक्षा व्यक्त केली जात आहे.